Nökkvi Dan Elliðason og liðsfélagar hans í Arendal eru komnir á toppinn í norsku úrvalsdeildinni í handknattleik eftir 31:29-útisigur gegn Bækkelaget í dag. Nökkvi komst ekki á blað í leiknum en Arendal er í efsta sæti deildarinnar með 11 stig eftir fyrstu sex umferðirnar.
Þeir Sigvaldi Björn Guðjónsson og Þráinn Orri Jónsson skoruðu báðir tvö mörk fyrir lið sitt Elverum þegar liðið vann 31:29-sigur gegn Bodø á útivelli en Elverum er í þriðja sæti deildarinnar með 9 stig eftir fyrstu sex leiki sína, tveimur stigum minna en topplið Arendal.