Breytingar hafa orðið á leikmannahópi kvennalandsliðsins í handknattleik sem hélt til Noregs í morgun.
Þórey Anna Ásgeirsdóttir, leikmaður Stjörnunnar, fór ekki með hópnum út vegna meiðsla og var Steinunn Hansdóttir, leikmaður Horsens HK, kölluð inn í hópinn í stað Þóreyjar. Þá þurfti Ester Óskarsdóttir úr ÍBV að draga sig út út hópnum vegna veikinda.
Kvennalandsliðið mætir Kína og B-landsliði Noregs í tveimur vináttuleikjum í Noregi í vikunni.