Guðmundur Þórður Guðmundsson, þjálfari íslenska karlalandsliðsins í handknattleik, hefur opinberað 28 manna landsliðshóp fyrir heimsmeistaramótið sem fram fer í Danmörku og Þýskalandi í janúar.
Um er að ræða þá leikmenn sem koma til greina á mótið, en þann 19. desember mun Guðmundur svo kynna 20 manna hóp sem mun æfa fram að HM. Undirbúningur hefst formlega þann 27. desember þegar liðið kemur saman til æfinga. Í framhaldi af því verða tveir vináttulandsleikir gegn Aroni Kristjánssyni og lærisveinum í landsliði Barein í Laugardalshöll, 28. og 39. desember.
Íslenska liðið heldur svo til Noregs þann 2. janúar og tekur þátt í Gjendsidige Cup, áður en það heldur til München þar sem riðill þess á HM er leikinn. Fyrsti leikur Íslands er þar gegn Spánverjum föstudaginn 11. janúar.
Eftirfarandi leikmenn eru í 28 manna hópnum:
Markmenn: Aron Rafn Eðvarðsson, Ágúst Elí Björgvinsson, Björgvin Páll Gústafsson, Daníel Freyr Andrésson.
Vinstra horn: Bjarki Már Elísson, Guðjón Valur Sigurðsson, Stefán Rafn Sigurmannsson.
Vinstri skyttur: Aron Pálmarsson, Daníel Þór Ingason, Ólafur Guðmundsson, Ólafur Gústafsson, Róbert Aron Hostert.
Miðjumenn: Elvar Örn Jónsson, Gísli Þorgeir Kristjánsson, Haukur Þrastarson, Janus Daði Smárason.
Hægri skyttur: Arnar Birkir Hálfdánsson, Ómar Ingi Magnússon, Rúnar Kárason, Teitur Örn Einarsson.
Hægra horn: Arnór Þór Gunnarsson, Óðinn Þór Ríkharðsson, Sigvaldi Guðjónsson.
Línumenn: Arnar Freyr Arnarsson, Ágúst Birgisson, Heimir Óli Heimisson, Sveinn Jóhannsson, Ýmir Örn Gíslason.