Alþjóðahandknattleikssambandið, IHF, hefur útnefnt besta handknattleiksfólk heimsins fyrir árið 2018.
Cristina Neagu frá Rúmeníu er leikmaður ársins í kvennaflokki en hún hlýtur þennan titil í fjórða sinn og er orðin sú sigursælasta í kjörinu frá upphafi.
Mikkel Hansen frá Danmörku er leikmaður ársins í karlaflokki og hreppir titilinn í þriðja skipti. Aðeins Nikola Karabatic frá Frakklandi hefur áður verið valinn þrisvar en þetta kjör hefur farið fram frá árinu 1988.