Stórleikur í bikarnum

Stórleikur er á dagskrá í Coca Cola bikar karla í handknattleik í kvöld þegar Haukar og Valur mætast á Ásvöllum. Liðið sem vinnur er komið í 8-liða úrslit en liðið sem tapar er úr leik. 

Leikur Hauka og Vals hefst í Hafnarfirði klukkan 19:30. Haukar eru enn án taps í deild og bikar í vetur og liðið er því skiljanlega í efsta sæti Olís-deildarinnar. Valsliðið hefur farið hægt af stað og er í 7. sæti en sýndi hins vegar klærnar um síðustu helgi þegar það fór til Austurríkis og sló út Bregenz í Evrópukeppni.

16-liða úrslitunum lýkur í kvöld og eru fjórir leikir á dagskrá. Í Garðabæ mætast úrvalsdeildarliðin Stjarnan og HK klukkan 19:30.

Í Austurbergi tekur ÍR á móti Mílunni klukkan 19 og á Seltjarnarnesi verður FH-ingar í heimsókn hjá Gróttu klukkan 19:30. 

• Blogga um frétt