Landsliðsmarkvörðurinn ekki alvarlega meiddur
Setja bókamerki
Viktor Gísli Hallgrímsson, markvörður Nantes í Frakklandi og íslenska karlalandsliðsins í handknattleik, er ekki alvarlega meiddur.
Þetta staðfesti hann í samtali við mbl.is í dag en Viktor Gísli fór meiddur af velli í leik Nantes og Sélestat í frönsku 1. deildinni á sunnudaginn.
Markvörðurinn þurfti að fara af velli á 41. mínútu vegna meiðsla í olnboga en hann missti af byrjun tímabilsins með franska liðinu vegna meiðsla í sama olnboga.
„Ég fór til læknis í gær og það eru engir aukaáverkar á olnboganum sem er mjög jákvætt,“ sagði Viktor í samtali við mbl.is.
„Ég þarf að hvíla þangað til verkurinn fer en þetta ætti ekki að vera neitt alvarlegt,“ bætti Viktor við í samtali við mbl.is.
Viktor Gísli, sem er 22 ára gamall, hefur farið á kostum með Nantes í undanförnum leikjum og verið í lykilhlutverki hjá liðinu sem er í þriðja sæti frönsku 1. deildarinnar með 20 stig eftir tólf umferðir.
Nauðgaði kærustu sinni og tók það upp
Myndskeið: Segjast hafa skotið niður sprengjuflugvél
Mikilvægt að vera á tánum
Mun fara sparlega með málskotsréttinn
Almannavarnir auka viðbúnað
Ný staða uppi og óvissan meiri
Aðkoman í gripahúsið mjög slæm