Harpa Rut Jónsdóttir var stórkostleg í liði Amicitia Zürich í frábærum 10 marka útisigri á Spono II í svissnesku bikarkeppninni í handbolta.
Harpa skoraði 8 mörk úr jafn mörgum skotum og var með hundrað prósenta nýtingu. Hún var markahæst í liði Amicitia ásamt þeim Oceane Meier og Simona Kolosové.
Sunna Guðrún Pétursdóttir varði 3 skot í leiknum.
Díana Dögg Magnúsdóttir skoraði þá 3 mörk fyrir Zwickau í góðum útisigri á Waiblingen í þýsku 1. deildinni, 27:26.
Zwickau vinnur að því að fjarlægjast falldrauginn og situr eftir sigurinn í 11. sætinu með 9 stig, þremur stigum frá fallsæti.