Rykmý í Volgograd, ekki bitvargur

Erling Ólafsson, skordýrafræðingur, segist ekki sjá betur en saklaust rykmý herji á knattspyrnumenn og aðra þá sem eru í rússnesku borginni Volgograd, en ekki  moskító, bitmý og lúsmý eins haldið hefur verið fram.

Erling lýsir skoðun sinni á Twitter áfar skýran hátt. Hann segir greina á myndum sverm rykmýs sem séu almeinlaus kvikindi. Af færslu Erlings má skilja að um óþarfa æsing sé að ræða. 

Hvaða óhemjugangur er þetta út af nokkrum flugum suðaustur í Volgógrað? Það sem ég greini af mynd er svermur rykmýs. Almeinlaus kvikindi sem eiga lítt skyld við bitvarga eins og moskító, bitmý og lúsmý. Af hverju er ekki skordýrafræðingur í landsliðsteyminu?

— Erling Ólafsson (@ErlingOlafsson) June 19, 2018

• Blogga um frétt