Lífið í Volgograd – Myndir

Íslenska karla­landsliðið í knatt­spyrnu fær gott tæki­færi til að stíga stórt skref í átt að sex­tán liða úr­slit­um heims­meist­ara­móts karla í knatt­spyrnu þegar það mæt­ir Níg­er­íu á söguslóðum í Volgograd klukk­an 15 í dag, að íslenskum tíma.

Eft­ir stór­sig­ur Króata á Arg­entínu­mönn­um í gær ligg­ur fyr­ir að annaðhvort Ísland eða Níg­er­ía verður í öðru sæti D-riðils að leik lokn­um í dag, og í góðri stöðu til að kom­ast áfram í keppn­inni.

Um þrjú þúsund Íslend­ing­ar verða á leikn­um og í þeirra hópi er Ev­genía Mika­els­dótt­ir sem er kom­in til Volgograd í fyrsta skipti en þar féll afi henn­ar í síðari heims­styrj­öld­inni. Orrustan um Stalíngrad, sem stóð í fimm mánuði frá því haustið 1942 þar til í febrúar 1943, er talinn einn mesti hildarleikur sögunnar. Evgenía fékk end­an­lega staðfest í gær að bor­in hefðu verið kennsl á afa hennar á sínum tíma, þegar hún sá að nafn hans er grafið á vegg í hvelf­ingu við stærstu styttu í Evr­ópu, Móður­landið kall­ar, sem er steinsnar frá knatt­spyrnu­vell­in­um í borg­inni, að því er fram kem­ur í viðtali við Ev­geníu í Morg­un­blaðinu í dag.

Eggert Jóhannesson og Skapti Hallgrímsson voru á ferð með myndavélarnar í Volgograd í gær.