Óvissa ríkir um þátttöku Janusar Daða Smárasonar með íslenska landsliðinu í leiknum gegn Angóla á HM í kvöld vegna meiðsla sem hann glímir við í hné. RÚV greinir frá þessu.
Janus Daði fékk högg á hnéð í leiknum gegn Túnisum og í kjölfarið safnaðist vökvi fyrir í hnénu.
Geir Sveinsson landsliðsþjálfari sagði við RÚV að svo geti farið að Janus taki ekkert þátt í leiknum.