Í fyrsta skipti í átján ár verða þrjár þjóðir utan Evrópu í efstu tólf sætum heimsmeistaramóts karla í handknattleik.
Þetta er niðurstaðan að lokinni riðlakeppninni en Brasilía, Egyptaland og Túnis tryggðu sér þrjú af síðustu sætunum í milliriðlum keppninnar á meðan Ísland tryggði sér það tólfta og síðasta með sigrinum gegn Makedóníu.
Brasilía hefur aldrei áður náð svona langt og skákaði bæði Rússlandi og Serbíu í sterkum A-riðlinum. Brasilíumenn verða þar með þriðju og síðustu mótherjar Íslendinga í milliriðlinum í Köln á miðvikudaginn kemur.