Anna Sonja Ágústsdóttir og liðsfélagar hennar í íslenska landsliðinu í íshokkí hefja á mánudag keppni á fyrsta stórmótinu sem fram fer á Akureyri í greininni.
Ísland leikur líkt og síðustu ár í B-riðli 2. deildar heimsmeistaramótsins og mætir þar Rúmeníu, Mexíkó, Tyrklandi, Nýja-Sjálandi og Spáni. Efsta liðið tryggir sér sæti í A-riðli á næsta ári en neðsta liðið fellur.
„Við eigum mjög góða möguleika, en þetta er alltaf rosalega jöfn deild. Þetta hefur oft verið þannig hjá okkur að eftir síðasta leik okkar á mótinu þá sitjum við uppi í stúku og horfum á lokaleiki mótsins og sjáum þá okkar sæti sveiflast til. Við stefnum á að hafa þetta aðeins öðruvísi núna. Ef við vinnum okkar leiki þurfum við ekki að treysta á nein önnur úrslit og við eigum góðan séns í öllum leikjunum,“ segir Anna Sonja í Morgunblaðinu í dag.
Sjá viðtal við Önnu Sonju í heild í íþróttablaði Morgunblaðsins í dag.