Hörður Axel: Höfum unnið fyrir þessu
Setja bókamerki
Hörður Axel Vilhjálmsson skoraði 12 stig gegn Bosníu í Laugardalshöllinni í kvöld og segir íslenska landsliðið vera fullkomlega samkeppnishæft á stórmóti en Ísland tekur þátt í lokakeppni EM að ári í fyrsta skipti.
„Ég hef aldrei einu sinni leyft mér að dreyma um að komast á stórmót með landsliðinu en við höfum unnið fyrir þessu sæti á EM. Við spiluðum auk þess tvo jafna leiki gegn Bosníu sem er einfaldlega á meðal bestu liða í Evrópu. Þar fyrir utan var Jakob Örn Sigurðarson ekki með í undankeppninni og leikmannahópur okkar gæti því þess vegna verið sterkari. Við verðum fullkomlega samkeppnishæfir á EM,“ sagði Hörður þegar mbl.is tók hann tali í Laugardalshöllinni í kvöld.
Hörður lék með landsliðinu í fyrra en missti af undankeppninni fyrir tveimur árum. Hann segir yngri leikmenn liðsins hafa styrkt hópinn verulega en á síðustu árum hafa Haukur Helgi Pálsson, Martin Hermannsson, Ragnar Nathanaelsson og Elvar Friðriksson komið sterkir inn í hópinn.
„Þessir ungu leikmenn bera ekki virðingu fyrir neinum og þeir hafa aukið gæðin verulega á landsliðsæfingum. Hópurinn hefur því orðið mun sterkari með þá innanborðs.“
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“
Tóku upp hanskann fyrir leikskólabörn
Beint frá Kína
Verðbólgan komin niður í 6%
Handteknir eftir myndatöku í Vesturbæjarlaug
Æskuvinur Íslendings myrtur í Noregi
„Skýr skilaboð til Seðlabankans“