Jón Arnór Stefánsson átti mjög góðan leik fyrir Unicaja Málaga í Meistaradeild Evrópu í körfuknattleik þegar lið hans vann Anadolu Efes Istanbul 93:90 í miklum spennuleik í Málaga á Spáni.
Jón Arnór spilaði rúmar 26 mínútur, setti niður 15 stig og tók tvö fráköst en þetta var aðeins annar sigur Unicaja í 16-liða úrslitum Meistaradeildarinnar í vetur. Liðið er áfram í neðsta sæti F-riðils.
Anadolu Efes hefur staðið sig eilítið betur, en þeir hafa unnið fjóra leiki og tapað fjórum í úrslitakeppninni og er í 4. sæti.