Maciej Baginski, einn af bestu leikmönnum körfuknattleiksliðs Njarðvíkur á nýliðnu keppnistímabili, hefur samið við Þór í Þorlákshöfn um að leika með liðinu næsta vetur. Frá þessu var skýrt á Facebook-síðu Þórs í kvöld.
Maciej er 21 árs gamall bakvörður sem er uppalinn hjá Njarðvík en hann hefur leikið með öllum yngri landsliðum Íslands. Hann skoraði 12,3 stig að meðaltali í leik fyrir Njarðvíkinga í vetur.
Þjálfari Þórs er Einar Árni Jóhannsson sem þjálfaði Maciej hjá Njarðvík um árabil.