Mike D'Antoni hefur verið ráðinn þjálfari NBA-liðsins Houston Rockets, en hann tekur við liðinu af J.B. Bickerstaff sem tók við liðinu í nóvember þegar Kevin McHale var rekinn. D'Antoni sem er 65 ára gamall er reynslumikill þjálfari, en Houston Rockets verður fimmta liðið sem hann stýrir í NBA-deildinni.
Houston Rockets hafnaði í áttunda sæti Vesturdeildarinnar, en liðið var með helmings sigurhlutfall í deildakeppninni. Houston datt svo út í fyrstu umferð úrslitakeppninnar eftir að hafa tapað 4:1 fyrir Golden State Warriors.