Russell Westbrook náði þrefaldri tvennu í fimmta leiknum í röð í NBA-körfuboltanum í nótt. Hefur enginn náð því í deildinni síðan 1989.
Westbrook skoraði 28 stig, tók 17 fráköst og gaf 12 stoðsendingar fyrir Oklahoma City Thunder þegar liðið lagði New Orleans Pelicans að velli 101:92.
Síðasti leikmaðurinn til að ná þrefaldri tvennu í fimm leikjum í röð var enginn annar en Michael Jordan sem gerði það fyrir Chicago Bulls árið 1989.
Var þetta tíunda þrennan hjá Westbrook á tímabilinu og eftir 21 leik nær hann þrefaldri tvennu að meðaltali í leik.
Úrslit:
Oklahoma - New Orleans 101:92
Detroit - Orlando 92:98
New York - Sacramento 106:98
LA Clippers - Indiana 102:111