Einn allra fremsti körfuknattleiksmaður sögunnar, Earvin „Magic“ Johnson hefur tekið við sem stjórnarformaður hins fornfræga körfuknattleiksveldis, LA Lakers.
Johnson gerði garðinn frægan með Lakers á níunda áratugunum og allt þar til hann hætti 1991 eftir að hafa greinst HIV-jákvæður. Hvorki hefur gengið né rekið hjá LA Lakers í NBA-deildinni í körfuknattleik undanfarin ár.
Með ráðningu Johnsons og tveggja annarra stjórnenda standa vonir til þess betri tíð sé framundan.