Birna í bann fyrir sparkið
Setja bókamerki
Birna Valgerður Benónýsdóttir, leikmaður Keflavíkur, var í gær úrskurðuð í eins leiks bann af aganefnd KKÍ eftir dómgreindarbrest hennar í þriðja leik Snæfells og Keflavíkur í úrslitaeinvíginu um Íslandsmeistaratitilinn.
„Birna Valgerður Benónýsdóttir í liði Keflavíkur er send út úr húsi fyrir að sparka í Gunnhildi Gunnarsdóttur að því er virtist. Dómararnir voru lengi að ráða ráðum sínum áður en dómur var upp kveðinn,“ sagði í beinni textalýsingu mbl.is frá leiknum.
Aganefndin tók málið fyrir í gær og niðurstaða hennar var svohljóðandi:
„Með vísan til ákvæðis c. liðar 1. mgr. 13. gr. reglugerðar um aga- og úrskurðarmál, skal hin kærða, Birna Benónýsdóttir, leikmaður Keflavíkur, sæta eins leiks banni vegna háttsemi í leik Snæfells og Keflavíkur í úrslitakeppni úrvalsdeildar meistaraflokks kvenna sem leikinn var þann 23. apríl 2017. Úrskurðurinn tekur gildi nú þegar.“
Birna verður því ekki með í fjórða leik liðanna í Keflavík á morgun, miðvikudag, þegar Keflavík getur tryggt sér titilinn með sigri.
90 milljóna ferð austur: „Hrokinn yfirgengilegur“
„Sárt að horfa upp á þetta“
Ráðherra um árshátíðina: „Hljómar frekar hátt“
Forsetafylgismenn dregnir í dilka
Fækka nefndum og auka eftirlit með styrkjum
50% fjölgun kærumála og aukið álag
Børsen brennur á afmæli drottningar