Martin Hermannsson fór fyrir sínum mönnum í franska liðinu Charleville-Mezieres þegar það sigraði Evruex í frönsku B-deildinni í körfuknattleik í kvöld.
Charleville-Mezieres vann leikinn 96:87 en Martin skoraði 30 stig, tók tvö frákost og gaf auk þess fjórar stoðsendingar.
Með sigrinum komust Martin og félagar upp í þriðja sæti deildarinnar. Fjórum umferðum er ólokið en Charleville á góða möguleika á að komast í umspil um sæti í A-deildinni.