Íslandsmeistarar KR í körfuknattleik eru úr leik í fyrstu umferð Evrópubikarsins eftir annað tap fyrir Belfius Mons-Hainaut frá Belgíu, nú 84:71 á útivelli. Belgarnir unnu einvígið samanlagt með 34 stiga mun.
KR tapaði fyrri leiknum 88:67 og þurfti því heldur betur að snúa taflinu við í kvöld. KR-ingar héldu vel í við belgíska liðið og staðan í hálfleik var 41:38 fyrir heimaliðinu.
Jafnræðið hélt áfram í þriðja leikhluta og aldrei létu KR-ingar andstæðinginn fara fram úr sér. Þegar á leið tóku heimamenn hins vegar yfirhöndina og unnu að lokum öruggan sigur 84:71.
Jón Arnór Stefánsson var stigahæstur í liði KR með 20 stig og Darri Hilmarsson skoraði 17.
Leikurinn var í beinni útsendingu hér að neðan.