Earl Watson hefur verið rekinn frá bandaríska körfuboltafélaginu Phoenix Suns eftir slæma byrjun á tímabilinu. Liðið hefur tapað öllum þremur leikjum sínum til þessa og 130:88-tapið gegn Los Angeles Clippers síðustu nótt reyndist kornið sem fyllti mælinn.
Watson tók við Phoenix á miðju næstsíðasta tímabili. Hann vann 33 og tapaði 85 leikjum sem stjóri liðsins.
Einhver ólga virðist hafa verið í herbúðum Phoenix því Eric Bledsoe, leikmaður liðsins, skrifaði á Twitter-síðu sína eftir leikinn að hann vildi ekki vera hjá félaginu lengur.