Óvíst hvort Leonard spili meira

Körfuboltamaðurinn Kawhi Leonard gæti misst af því sem eftir lifir af tímabilinu í NBA-körfuboltanum vegna meiðsla í læri. Hann hefur aðeins leikið níu leiki á yfirstandandi leiktíð vegna meiðslanna. 

Gregg Popovich, þjálfari San Antonio, ræddi um Leonard við bandaríska fjölmiðla í dag: „Það kæmi mér á óvart ef Leonard spilar meira á leiktíðinni. Það er lítið eftir og hann er ekki enn klár. Ef hann spilar þá verður það mjög seint á leiktíðinni, en það kæmi mér á óvart,“ sagði Popovich.

Leon­ard var í liði árs­ins í NBA síðustu tvö tíma­bil og er hann einn mikilvægasti hlekkurinn í sterku liði San Antonio. Þrátt fyrir meiðsli Leonard hefur San Antonio spilað vel á leiktíðinni og er í 3. sæti vesturdeildarinnar með 35 sigra og 24 töp. 

• Blogga um frétt