San Antonio Spurs minnti rækilega á sig í NBA-deildinni í körfuknattleik í nótt og lagði meistarana í Golden State Warriors að velli í Texas 111:105. San Antonio hefur þar með unnið níu leiki í röð og alls ellefu í röð á heimavelli.
DeMar DeRozan skoraði 26 stig og tók níu fráköst fyrir San Antonio og LaMarcus Aldridge gerði 23 stig og tók 13 fráköst. San Antonio sem Pétur Guðmundsson lék með á níunda áratugnum er nú í fimmta sæti Vesturdeildarinnar.
Stephen Curry skoraði 25 stig fyrir Golden State og Kevin Durant 24 stig. Golden State er með bestan árangur í Vesturdeildinni ásamt Denver Nuggets.
Úrslit:
Cleveland - Detroit 126:119
Washington - Utah 116:95
Boston - Denver 105:114
Toronto - New York 128:92
Oklahoma - Miami 107:116
San Antonio - Golden State 111:105
Dallas - New Orleans 125:129
Phoenix - Chicago 101:116
Portland - Indiana 106:98