Jón Axel Guðmundsson, landsliðsmaður í körfuknattleik, hefur verið tilnefndur fyrir kjörið á besta leikmanninum í bandaríska háskólakörfuboltanum á þessu tímabili en skólinn hans, Davidson, skýrði frá þessu á Twitter.
Verðlaunin sem sigurvegarinn í kjörinu fær eru kennd við Oscar Robertsson, sem fyrstur hlaut þau árið 1959. Í fyrra hlaut þau Zion Williamson sem var valinn fyrstur í nýliðavali NBA í sumar og leikur nú með New Orleans Pelicans. Margir af bestu körfuboltamönnum sögunnar hafa hlotið verðlaunin, svo sem Michael Jordan, Kareem Abdul-Jabbar og Larry Bird.
Alls eru 46 leikmenn tilnefndir en Jón Axel hefur verið í stóru hlutverki í liði Davidson háskólans og er á fjórða og síðasta ári í skólanum. Hann var valinn besti leikmaður Atlantic 10 deildarinnar á síðasta tímabili.
Það eru samtök bandarískra körfuboltafréttamanna sem standa að kjörinu og birta listann sem má sjá hér.
Senior Jon Axel Gudmundsson has been named to the The U.S. Basketball Writers Association watch list for the Oscar Robertson Trophy, presented to the men's national player of the year.#TCC
— Davidson Basketball (@DavidsonMBB) December 5, 2019
Release: https://t.co/HQcBmUpufR pic.twitter.com/4chgxwGTAo