Bræðurnir Hjalti Þór og Hörður Axel Vilhjálmssynir fara á heimaslóðir í 8-liða úrslitum Geysis-bikarsins í körfuknattleik og mæta uppeldisfélaginu Fjölni í Grafarvoginum. Dregið var í hádeginu í höfuðstöðvum ÍSÍ í Laugardalnum.
Kvennalið Keflavíkur fær einnig athyglisverðan leik en það fær KR í heimsókn. Bikarmeistarar Vals fengu heimaleik gegn Breiðabliki.
Bikarmeistararnir í karlaflokki, Stjarnan, mætir Val í Garðabænum. Sindri á Hornafirði sem leikur í 1. deild fékk heimaleik á móti Grindavík sem sló KR út í síðustu umferð.
Eftirfarandi viðureignir verða í kvennaflokki:
Keflavík - KR
Valur - Breiðablik
ÍR - Skallagrímur
Haukar - Grindavík
Leikirnir fara fram 19. og 20. janúar.
Eftirfarandi viðureignir verða í karlaflokki:
Fjölnir - Keflavík
Sindri - Grindavík
Stjarnan - Valur
Tindastóll - Þór Akureyri
Leikirnir fara fram 19. og 20. janúar.