Finnur Freyr Stefánsson körfuknattleiksþjálfari er kominn með lið sitt Horsens í bikarúrslitaleikinn í Danmörku.
Horsens sigraði Næstved í undanúrslitum bikarkeppninnar á útivelli í gær, 86:78, og mætir Bakken Bears í úrslitaleik keppninnar. Úrslitaleikurinn fer fram á heimavelli Horsens 8. febrúar.
Finnur er vanur því að vinna titla en hann varð sem kunnugt er Íslandsmeistari með karlalið KR-inga fimm ár í röð, frá 2014 til 2018.