Pétur Rúnar Birgisson, bakvörður Tindastóls, sagðist finna fyrir því að úrslitakeppni Dominos-deildarinnar er byrjuð eftir að hans menn töpuðu fyrsta leiknum í einvígi sínu gegn Keflavík í kvöld.
Pétri fannst dómarar virðast vera í þeim gír að leyfa meira þetta kvöldið, lítið dæmt miðað við ansi fína hörku og sagði það bara vera jákvætt.
Pétur sagðist hafa verið ánægður með að sjá áhorfendur í stúkunni og hlakkaði til næsta leiks þrátt fyrir tap.
Pétur sagði sína menn hafa klikkað á nokkrum smáatriðum sem hafi skilið liðin að þetta kvöldið en að mestu leyti hafi þeirra leikáætlun gengið upp.