Valencia hafði betur gegn San Pablo á útivelli í efstu deild Spánar í körfubolta í kvöld. Lokatölur urðu 69:65 og átti Martin Hermannsson stóran þátt í sigrinum.
Martin skoraði 14 stig og var næststigahæstur í sínu liði. Hann gaf einnig þrjár stoðsendingar og tók tvö fráköst á tæpum 28 mínútum.
Valencia er með þrjá sigra og þrjú töp í fyrstu sex leikjum sínum á tímabilinu og er um miðja deild.