Körfuknattleiksdeild Fjölnis hefur komist að samkomulagi við Bandaríkjakonuna Victoriu Morris um að leika með kvennaliði félagsins á komandi tímabili.
Fjölnir stóð uppi sem deildarmeistari í úrvalsdeild í fyrsta sinn í sögu félagsins á síðasta tímabili. Liðið var svo slegið út í undanúrslitum úrslitakeppninnar, af Njarðvík sem varð svo Íslandsmeistari.
Morris kemur úr háskólaboltanum vestanhafs þar sem hún lék síðasta með Rutgers-háskóla og tímabilið þar á undan með Old Dominion.
Í tilkynningu frá körfuknattleiksdeild Fjölnis segir að Morris sé fjölhæfur bakvörður sem geti skotið vel fyrir utan þriggja stiga línuna og sé einnig með gott auga fyrir sendingum.