Körfuknattleiksdeild KR hefur samið við finnska bakvörðinn Aapeli Alanen.
Í tilkynningu frá félaginu segir að Alanen sé 26 ára gamall og 201 sentimetri á hæð.
Alanen lék á síðustu leiktíð með SKN St. Pölten í efstu deild í Austurríki en þar var hann með 16,6 stig, 5,6 fráköst og 1,9 stoðsendingar að meðaltali í leik. Áður hefur hann leikið með nokkrum liðum í finnsku úrvalsdeildinni.
Alanen hefur leikið með A-landsliði Finna á undanförnum árum.
KR hefur farið illa af stað á leiktíðinni, aðeins unnið einn leik í fyrstu sjö umferðunum.
Í tilkynningu KR segir að leikmaðurinn sé mættur til landsins og verði vonandi með í næsta deildarleik.