Nokkrir reyndir knattspyrnumenn leggja skóna á hilluna að loknu Íslandsmótinu í ár. Pétur Hafliði Marteinsson er meðal þeirra sem reikna með því að þetta sé sitt síðasta keppnistímabil.
„Ég veit það ekki en það er komin þreyta í kallinn og ég býst svona síður við því að halda áfram. Ég hugsa mig eitthvað um í vetur en ég á alveg von á því að þetta sé mitt síðasta tímabil. Vonandi klára ég það bara með dollu á laugardaginn,“ sagði þessi 35 ára gamli varnarjaxl í samtali við Morgunblaðið.
Sjá allt um lokaslaginn í Landsbankadeildinni í knattspyrnu ásamt fréttum af liðunum.