Ingunn og Zaza sigruðu í júdó
Setja bókamerki
Feiknasterkir erlendir keppendur ásamt flestu af besta júdófólki landins tóku þátt í júdókeppni Reykjavíkurleikanna í Laugardalshöll í gær. Rúmlega 60 keppendur tóku þátt, þar af voru 38 erlendir frá 10 löndum.
Margir erlendu gestanna eru margfaldir verðlaunahafar á Evrópu- og heimsbikarmótaröðunum, EM unglinga og fleiri stórum mótum. Það voru því mikil gæði í keppninni. Þá fannst skipuleggjendum ánægjulegt að sjá hversu margir erlendu gestanna voru að koma í annað og þriðja skiptið á Reykjavíkurleikana.
Tveir Íslendingar unnu til gullverðlauna á mótinu. Ingunn Sigurðardóttir í +70 kg flokki kvenna og Zaza Simonishvili í -73 kg flokki karla. Ein silfurverðlaun komu í hlut Íslendinga en þau vann Heiðrún Pálsdóttir í +70 kg flokki kvenna. Þá unnu átta Íslendingar til bronsverðlauna: Ásta Arnórsdóttir í -57, Natalia Stobinska í -78, Daníel Árnason í -60, Ingólfur Rögnvaldsson í -66, Breki Bernhardsson í -73, Adam Þórarinsson í -90, Úlfur Böðvarsson í -90 og Karl Stefánsson í +100 kg flokki.
Hér á vef Júdósambands Íslands má finna heildarúrslit í öllum flokkum.
„Staðan er grafalvarleg“
Myndskeið: „Fólk var komið ískyggilega nálægt“
Segir nýtt frumvarp gefa eldisfyrirtækjum auðlindir
Réttlátara kerfi: Flestir fá 30 þúsund eða meira
Baldur: „Ég ætla að svara þessu kalli“
„Við erum ekki að refsa fólki fyrir að vinna“
Sáttur við sína stöðu og finnur fyrir meðbyr
„Þetta er pínu óvanaleg staða“