"Ég er að klára stúdentinn um næstu jól af málabraut Borgarholtskóla og er því í 26 einingum þessa önn, ég hef að vísu ekki mætt í einn einasta tíma undanfarið vegna vinnunnar við leikhúsið, en skólinn er ótrúlega skilningsríkur og gaf mér leyfi fyrir frjálsri mætingu eins og staðan er núna. Kennararnir mínir eru yndi og ekkert nema yndi, ég rembist svo eins og rjúpan við staurinn að skila þokkalega af mér heimaverkefnunum sem ganga upp og ofan, frekar mikið álag núna," seir Elsa Björnsdóttir sem leikur í  „Óþelló, Desdemóna og Jagó“ sem var frumsýnt 30. janúar á litla sviði Boragrleikhússins. Sýningin, sem er samvinnuverkefni Draumasmiðjunnar, Leikfélags Reykjavíkur og Íslenska dansflokksins, er leikgerð Gunnars Gunnsteinssonar, sem einnig er leikstjóri verksins en hann byggir verkið á Óþelló eftir Shakespeare.

Hvernig er að starfa með leikara eins og Hilmi Snæ? "Hilmir er stórkostlegur leikari, ég dýrka að fá þetta tækifæri til að vinna með honum, hann er stútfullur af hæfileikum sem ég væri til í að hafa smá brot af sjálf. Hann er skemmtilegur og hress aldrei leiðinlegt í vinnunni með honum. Það var mjög gaman að kenna honum táknmálið sem hann notar á sýningunni, hann lærði það eins og hann hefði aldrei gert annað. Ég vona að ég fái að vinna með honum aftur síðar í öðru verki. Eins og hinir í sýningunni, allt æðislegt fólk og búið að vera mjög gaman hjá okkur að púsla saman þessu verki, á köflum leit ekki út fyrir að þetta myndi ganga upp, en við náðum á leiðarenda og erum mjög ánægð með sýninguna. Þá er ég innilega þakklát leikstjóranum mínum Gunnari Gunnsteinssyni, hann hefur virkilega haft mikil áhrif á mig og það var rosalega gott að vinna með honum, hann hefur einstaka sýn á hvernig táknmálið eigi að vera á sviðinu og kom mér oft á óvart með frábærum viðhorfum sínum. " 

"Jack Canfield verður í kvöld hjá Opruh klukkan 22.30," segir Viddi Greifi en hann stendur fyrir námskeiði með Jack um helgina í Háskólabíó. "Það er einfaldlega bara bannað að missa af þessu," bætir hann við. Meira um komu Jack til Íslands hér.

"'Ég er að leggja lokahönd á sjöunda Rokklandsdiskinn sem kemur út eftir 2-3 vikur vonandi," svarar Ólafur Páll Gunnarsson flottasti útvarpsmaður landsins "Svo er mikið stuð á Rásinni (Rás 2) en hún verður 25 ára í desember Ég hef verið með annan fótinn á Rásinni í 17 ár. Hjálmar Hjálmarsson leikari byrjar næstu helgi með vikulegan þátt á sunnudögum klukkan þrjú þar sem hann spjallar við fólk sem hefur komið að Rásinni á einn eða annan hátt öll þessi ár. Hann ætlar að blanda saman gömlum brotum úr safninu, spila gamlar auglýsingar, tónleikaupptökur og gamla pistla. Svo erum við að lýsa eftir nýjum pönklögum í samstarfi við Þjóðleikhúsið fyrir söngkleikinn Ástin er diskó - lífið er pönk eftir Hallgrím Helgason. Ég hvet fólk til að taka þátt."

Megum við búast við óvæntum endi á Pressu næsta sunnudagskvöld? "Já ég get lofað því að það er allt að fara í háaloft," svarar Óskar Jónasson kvikmyndagerðarmaður dulur. Verður endirinn blóðugur? "Já fyrir suma," svarar hann enn dularfyllri. Er endirinn rómantískur? "Já fyrir aðra en eins og þú heyrir gef ég ekki meira upp." Fáum við framhaldsseríu? "Það er verið að ræða það. Við erum að kanna viðbrögðin við þessari seríu. Það verður ákveðið með hækkandi sól en það er ekki í mínu valdi að ákveða það."

Allir leikararnir sem ég hef spjallað við segja að þú sért sérstaklega ljúfur leikstjóri? "Ég sé enga ástæðu til annars en ætli ég sé ekki frekar nákvæmur og dáldill vinnupískari en það fylgir því hvernig við gerum þættina. Við gerum þá hagkvæma sem kostar það að leikarar eru æfðir annars staðar en á tökustað."

Hvað er kynþokkafullt í fari karlmanna? "Karlmönnum sem líður vel í eigin skinni, hafa húmor fyrir sjálfum sér og lífinu, úsa af sjálfsöryggi og kynþokka. Einnig finnst mér kynþokkafullt þegar karlmenn eru kurteisir og koma fallega fram við konur og það að karlmenn geti sýnt tilfinningar sínar og átt frumkvæði af rómantískum stundum er líka einstaklega þokkafullt að mínu mati," svarar Kolbrún Pálína Helgadóttir blaðamaður og fyrrum Ungfrú Ísland.is.

Ása (fyrir miðju) stílisti segir Pokadagana slá allt út.

"Við erum með Pokadaga núna," svarar Ása Ottesen stílisti í Gyllta Kettinum. "Þetta hefur aldrei verið gert áður á Íslandi. Um er að ræða eina bestu útsölu sem hefur verið haldin. Um tvo poka er að ræða, einn kostar 4000 og hinn 6000 krónur - svo bara treður þú í pokann: pelsum, hælaskóm og kjólum burtséð frá verði. Þó pelsinn sé á 18900 krónur þá skiptir það engu máli ef þú ert sniðug að rúlla fötunum upp og troða þeim í pokann. Þessi aðferð er að slá í gegn. Fólk er ekki að trúa þessu en þetta er rýmingarsala fyrir nýjum vörum."  Birt verður  áhugavert videoviðtal við Ásu um vortískuna á morgun.

Með nýju ritstjórunum fagnaði föngulegur hópur á veitingastaðnum B5, Bankastræti 5. DJ Margeir þeytti skífum, Ásta, Ási og Andrea Brabin hjá Eskimo mættu galvösk, Þórarinn Þórarinsson, Valur Grettisson, Reynir Traustason, Kolbrún Bergþórsdóttir, Hallgrímur Helgason, Guðmundur Steingrínsson ásamt konu sinni Alexíu voru líka í stuði. Þar mátti einnig sjá Söru í Nakta apanum oog óteljandi ómótstæðilegar fyrirsætur frá Ford, Elfar Aðalsteinsson, Brynju Björk Garðarsdóttur og sæta kærastann hennar Guðjón Jónsson. Spákonan Sigríður Klingenberg var að vanda hrókur alls fagnaðar. Sjá myndir.

Eva, lengst til hægri, eignaðist heilbrigðan dreng eldsnemma í morgun.

Klikkið á myndirnar hér að ofan til að sjá viðtöl við goðin.

"Luxor strákarnir hafa einhvern tón sem er alveg einstakur en ég hlusta yfirleitt á klassíska tónlist en aldrei á popp og lagið Over the Rainbow er algjört listaverk á nýju plötunni þeirra. Þeir eru fyrstu íslensku strákarnir sem líta út eins og ítalskir karlmenn sem eru taldir best klæddu menn í heimi. Þeir eru flottir og karlmannlegir," sagði Heiðar Jónsson í desember á síðasta ári.