Fulltrúadeild Bandaríkjaþings felldi frumvarp um áætlun bandarískra stjórnvalda til að nota 700 milljarða dala af opinberu fé til bjargar bandaríska fjármálakerfinu. Gengi hlutabréfa hefur hrunið í kauphöllinni á Wall Street í kjölfarið. Þá hefur hráolíuverð lækkað um rúma 9 dali tunnan í rúma 97 dali. Niðurstaða atkvæðagreiðslunnar er þó ekki endanleg.

Atkvæðagreiðslan hefur verið stöðvuð og standa samningaviðræður yfir um framhaldið. Svo virðist, sem verið sé að reyna að fá einhverja þingmenn til að breyta atkvæði sínu. 

Dow Jones hlutabréfavísitalan lækkaði síðdegis um meira en 700 stig þegar fjárfestar sáu í hendi sér að frumvarpið yrði væntanlega fellt. Hlutabréfin hafa þó hækkað lítillega á ný og hafði Dow Jones nú undir klukkan 18 lækkað um 460 stig eða rúm 4%.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Sólveig Rós: Jiminn eini