Hugsanlegt hrun evrunnar

Hætta getur verið á því að evran veikist mikið, og jafnvel að hún hrynji. Þetta er haft eftir í John Hydeskov, sérfræðingi hjá Danske Bank, í frétt á fréttavef danska viðskiptablaðsins Børsen. Hann segist hins vegar ekki telja að Bandaríkjadollar muni veikjast mikið eins og fjárfestirinn Jim Rogers spáir.

Bloombeg-fréttastofan hefur eftir Jim Rogers, að fjárfestar hafi fjárfest í dollurum síðastliðið haust, þegar mikill órói hafi verið á mörkuðum. Það hafi orðið til að styrkja dollarinn. Segir hann að hætta sé á því að dollarinn muni veikjast mikið innan tíðar, hugsanlega næsta haust eða haustið 2010. Hann muni því hugsanlega snúa sér að því að fjárfesta í jenum, evrum eða pundi.

Hydeskov er ekki sammála þessu mati Rogers og segir að styrking dollarsins byggi á þeim aðgerðum sem bandarísk stjórnvöld hafi gripið til. Hins vegar sé mjög erfitt að sjá fyrir veikingu gjaldmiðla. Áhættan fyrir evruna sé fólgin í þeirri veiku stöðu sem sum lönd í Mið- og Austu-Evrópu búi við.

• 5 blogg um fréttina

Bloggað um fréttina

• Guðni Karl Harðarson: Það á eftir að koma enn betur í ljós
• Sigríður Laufey Einarsdóttir: Aðildarviðræður - ótímabærar við ESB
• Haraldur Hansson: Sorrý, EVRAN er dauð!
• Jakobína Ingunn Ólafsdóttir: Evrunni spáð hruni
• Vilhjálmur Árnason: Ég á mér eina ósk.