Aflaverðmæti íslenskra skipa á tólf mánaða tímabili frá febrúar 2013 til janúar 2014 dróst saman um 6,8% miðað við sama tímabil ári áður. Verðmæti botnfiskafla dróst saman um 5,2% milli tímabilanna, samkvæmt tölum Hagstofunnar.
Í janúar var aflaverðmæti íslenskra skipa um 9,3% minna af þorski heldur en í janúar 2013. Heildarverðmæti aflans var 38,7% lægra í janúar 2014 en í janúar 2013, lítill loðnuafli hefur mest með það að segja.