Selma Filippusdóttir hefur látið af störfum sem framkvæmdarstjóri fasteignasjóðsins FAST-1 og hefur Gísli Reynisson tekið við framkvæmdastjórastarfinu. Gísli er einn eigenda Contra eignastýringar sem séð hefur um rekstur eigna FAST-1 frá upphafi, að því er segir í tilkynningu.
Hagnaður fasteignasjóðsins FAST-1 nam 189 milljónum króna í fyrra og jókst verulega á milli ára. Árið 2012 tapaði félagið um 37 milljónum króna. FAST-1 er í stýringu hjá VÍB, eignastýringarþjónustu Íslandsbanka, en félagið sérhæfir sig í rekstri og útleigu fasteigna.
FAST-1 undirritaði í febrúarmánuði síðastliðnum kaupsamning um kaup á öllum hlutum HTO ehf, sem er eigandi að fasteignum við Höfðatorg í Reykjavík.