Aflaverðmæti íslenskra skipa var í maí um 3,2% lægra en í maí 2013. Samdráttur var í veiði botnfisks, en uppsjávarafli tvöfaldaðist frá fyrra ári. Minna veiddist af skelfiski en í sama mánuði í fyrra.
Aflaverðmæti íslenskra skipa á tólf mánaða tímabili, frá júní 2013 til maí 2014, dróst saman um 12,7% miðað við sama tímabil árið áður. Verðmæti allra mældra fisktegunda dróst saman á öllum verkunarsvæðum milli tímabilanna, samkvæmt frétt Hagstofunnar.