Lætur af stjórn H.F. Verðbréfa

Andri Guðmundsson lætur af störfum sem framkvæmdastjóri H.F. Verðbréfa um áramótin en hann hefur starfað hjá fyrirtækinu frá árinu 2005 og gegnt stöðu framkvæmdastjóra frá því í janúar 2011.

Haft er eftir honum í fréttatilkynningu að þau ár sem hann hafi stýrt H.F. Verðbréfum hafi verið annasöm og afar lærdómsrík. Komið sé hins vegar að tímamótum hjá honum og fjölskyldu hans þar sem ætlunin sé að flytja til Stokkhólms, höfuðborgar Svíþjóðar. Hann muni áfram gegna starfi forstöðumanns fyrirtækjaráðgjafar fyrirtækisins.

Þá segir að eiginkona Andra, Brynja Vala Bjarnadóttir, hafi ráðið sig sem lækni á Danderyd-sjúkrahúsið í Stokkhólmi þar sem hún ætli einnig að stunda sérnám í húðlækningum. Þau eiga þrjú börn á aldrinum 1-5 ára.

• Blogga um frétt