Nýir eigendur Skólavörðustígs 21 hafa tekið vel í hugmyndir um að halda innréttingunni í Fatabúðinni að sem stærstum hluta og laga hana að þeirri starfsemi sem verður í húsinu samkvæmt upplýsingum frá Minjastofnun. Mbl hefur áður greint frá því að veitingastaðurinn Krua Thai verður opnaður í húsrýminu en Sonja Lampa, eigandi veitingastaðarins, festi kaup á húsnæðinu í nóvember sl.
Pétur H. Ármannsson, sviðsstjóri hjá Minjastofnun, segir stofnunina hafa fundað með eigandanum þar sem hann gerði grein fyrir fyrirætlunum sínum með húsnæðið og innréttinguna. Þá verða að líkum í næstu viku lagðar fram teikningar þar sem möguleg hönnun rýmisins verður kynnt.
Aðspurður segir hann að mörulega verði þá einnig farið fram á einhvers konar vernd yfir þeim hluta innréttingarinnar sem eftir mun standa.
Inréttingarnar eru frá árinu 1947 og því 68 ára gamlar. Fatabúðin var opnuð í húsinu árið 1927 þegar stofnað var útibú á Skólavörðustíg, en höfuðstöðvar verslunarinnar voru þá í Hafnarstræti 16. Til skamms tíma var verslunin því rekin á báðum stöðum.
Fyrri fréttir mbl:
Innréttingarnar skyndifriðaðar?
Krua Thai í stað Fatabúðarinnar