Jóhannes Ásbjörnsson og Sigmar Vilhjálmsson, sem kenndir eru við Hamborgarafabrikkuna, hafa ásamt Jóhannesi Stefánssyni og fjölskyldu í Múlakaffi fest kaup á Keiluhöllinni í Egilshöll. Sigmar sem verður framkvæmdastjóri Keiluhallarinnar segir markmiðið að auka veg og vanda keiluíþróttarinnar.
Sigmar segir ennfremur, í tilkynningu, að með haustinu verði kynntur til sögunnar nýr veitingastaður í Keiluhöllinni. Þangað til verði rekstri núverandi veitingastaðar og sportbars haldið áfram.