Jómfrúarflug WOW air til Norður-Ameríku lenti á Boston flugvelli í gærkvöldi. Geir H. Haarde, sendiherra Íslands í Bandaríkjunum, og Robert Barber, sendiherra Bandaríkjanna á Íslandi, tóku á móti farþegum vélarinnar við komu hennar til Boston.
WOW air mun fljúga til Boston sex sinnum í viku allan ársins hring. Flugfélagið mun svo einnig hefja flug til Washington, D.C. þann 8. maí næstkomandi en flogið verður þangað fimm sinnum í viku, að því er segir í tilkynningu frá félaginu.