Atvinnuleysi hefur ekki mælst jafn lítið í Þýskalandi frá því landið sameinaðist árið 1990. Alls eru tæplega 2,8 milljónir Þjóðverja án atvinnu en það svarar til 6,4%.
Venjulega minnkar atvinnuleysi á vorin vegna ýmissa árstíðarbundna starfa, svo sem í byggingariðnaði ofl. Verg landsframleiðsla jókst um 0,7% á fjórða ársfjórðungi í fyrra og er aukningin einkum rakin til aukinnar einkaneyslu og útflutnings en jafnframt fjárfestinga í byggingageiranum.