Chipotle gefur guacamole uppskriftina

Skyndibitakeðjan Chipotle hefur verið þekkt fyrir sérstaklega gott guacamole sem rukkað er sérstaklega fyrir á veitingastöðum keðjunnar. Uppskriftin hefur verið viðskiptaleyndamál hingað til en af einhverjum ástæðum var hún gefin upp á vefsíðu fyrirtækisins á sunnudag.

Helsti lykillinn er þó að finna gott hráefni að sögn Chipotle. En uppskriftin hljóðar svo:

• 2 þroskuð avókadó
• 2 teskeiðar af límónusafa
• 2 teskeiðar af kóríander
• 1/4 bolli af fínsöxuðum rauðlauk
• 1/2 fínsaxað jalapeno með fræjum
• 1/4 teskeið salt

1. Skera avókadóin í tvennt og fjarlægja steininn
2. Skafa avókadóin með skeið og setja í skál
3. Hræra með límónusafa
4. Bæta við salti og stappa með gaffli
5. Bæta restinni af hráefnunum við

Frá veitingastað Chipotle AFP

• Blogga um frétt