Fjöldi Kaupþingsmála fyrir dóm

Fyrirtaka í 18 málum slitastjórnar Kaupþings gegn fjöldamörgum erlendum fjármálastofnunum og fjárfestum fer fram í héraðsdómi Reykjavíkur á morgun og á föstudaginn. Er um að ræða riftunarkröfu vegna endurkaupa Kaupþings á eigin skuldabréfum á árinu 2008. Áttu kaupin sér stað á síðasta hálfa árinu áður en bankinn féll.

Á kröfuhafafundi slitastjórnar Kaupþings í desember 2011 kom fram að um væri að ræða um 20 milljarða króna. Allt í allt eru málin um 30 talsins, en þau voru höfðuð árið 2012 og hafa verið í gangi í dómskerfinu síðan. Meðal annars hafa atriði sem varða það hvar höfða eigi málið, kröfufrestinn og nú síðast um dómskvadda matsmenn, farið fyrir Hæstarétt.

• Blogga um frétt