Forseti American Express látinn

Ed Gilligan, forseti greiðslukortafyrirtækisins American Express lést í gærmorgun. Hann varð alvarlega veikur um borð í flugvél á leið til New York.

Gillian, sem var 55 ára, starfaði í 35 ár hjá fyrirtækinu, eða frá 20 ára aldri. Hann hóf störf sem nemi en tókst að klífa metorðastigann innan fyrirtækisins.

Aðrir yfirmenn fyrirtækisins voru um borð í vélinni þegar maðurinn veiktist og kom vélin inn til lendingar áður en hún náði á áfangastað í New York.

Gilligan lætur eftir sig eiginkonu og fjögur börn.

• Blogga um frétt