Hvorki fjármagnshöftin né íslenska krónan eru ástæða þess að tekin hefur verið ákvörðun um að flytja hluta af starfsemi alþjóðlega lyfjafyrirtækisins Actavis frá Íslandi samkvæmt upplýsingum frá fyrirtækinu.

Tilkynnt var í gær að ákvörðun hefur verið tekin um að færa framleiðslu lyfjaverksmiðju Actavis á Íslandi til annarra framleiðslueininga samstæðunnar. Þetta yrði gert í hagræðingarskyni og væri liður í því að tryggja samkeppnishæfni fyrirtækisins á alþjóðavettvangi. Gert er ráð fyrir að fyrstu breytinga í þessum efnum fari að gæta í árslok 2016 en gert er ráð fyrir að starfsemi verksmiðjunnar á Íslandi verði lögð niður um mitt ár 2017.

Samkvæmt svari Actavis við fyrispurn frá mbl.is um nánari rekstrarlegar forsendur ákvörðunarinnar er hún ekki til komin vegna stöðu efnahagsmála á Íslandi, efnahagsumhverfisins hér á landi eða öðrum sérstökum staðbundnum þáttum líkt og íslensku krónunni eða fjármagnshöftunum. Eingöngu sé um að ræða hagræðingu innan fyrirtækisins. Svigrúm sé til staðar í stærri verksmiðjum Actavis erlendis fyrir þá framleiðslu sem farið hefur fram hér á landi þar sem framleiðslukostnaður er auk þess lægri. Þar spili margt fleira inn í en launakostnaður.

Þá er ítrekað í svarinu að ákvörðunin tengist heldur ekki frammistöðu starfsfólks Actavis hér á landi enda hafi framleiðslueining fyrirtækisins hér á landi skilað framúrskarandi árangri og verið til fyrirmyndar á allan hátt.

Fréttir mbl.is:

„Þetta er mjög alvarlegt“

Áfall fyrir Hafnarfjörð

Sagt frá hópuppsögnum í morgun

Hluti Actavis flytur frá Íslandi

Tengdar fréttir

Actavis

Auka hlutafé um tvo milljarða

• Coripharma semur við Midas Pharma
• Oxycodone framleiðsla Actavis í dómsmáli
• AbbVie kaupir bótoxframleiðanda
• Kaupir eignir af Actavis á Íslandi

» Fleiri tengdar fréttir

• Blogga um frétt