Gjaldþrota 50 cent í glæsihýsi

Fjölmiðlar voru ekki lengi að draga upp mánaðargamla vitnaskýrslu 50 cent um ríkulegan lífstíl eftir að hann óskaði eftir gjaldþrotaskiptum á dögunum.

Skýrslan er frá réttarhöldum í máli er tengdist kynlífsmyndbandi sem rapparinn gaf út. 50 cent hafði gefið myndbandið út án samþykkis konunnar Lastonia Leviston. Hún kærði hann í kjölfarið og 50 cent var að lokum dæmdur til þess að greiða henni 5 milljónir dollara, eða um 673 milljónir íslenskra króna, í miskabætur.

Eftir að dómurinn féll fylgdi 50 cent ráðum lögmanns síns og óskaði eftir gjaldþrotaskiptum til þess að komast undan greiðslu.

Í vitnaskýrslunni kemur fram að 50 cent, eða Curtis Jackson, eins og hann raunverulega heitir, á einbýlishús með 21 svefnherbergi, 24 baðherbergjum, skemmtistað, bíósal, körfuboltavelli, sundlaug og stórri jörð. 

Í frétt Business Insider má lesa afrit af vitnaskýrslunni.

Rapparinn 50 Cent AFP

• Blogga um frétt