Ótakmarkað fæðingarorlof hjá Netflix
Setja bókamerki
Netflix kynnti í gær breytt fyrirkomulag á fæðingarorlofi starfsmanna. Nýir foreldrar mega taka sér eins mikið frí og þeir vilja á fyrsta ári barnsins. Á fullum launum. Þá mega þeir einnig koma og fara úr vinnu eins og þeim sýnist á sama tíma.
„Reynslan sýnir að starfsfólk stendur sig almennt betur þegar það er ekki með áhyggjur af heimilinu,“ sagði í tilkynningu frá mannauðsstjóra Netflix, Tawni Cranz.
Samkvæmt alríkislögum í Bandaríkjunum eiga foreldrar sem starfa í fyrirtækjum með fleiri en 50 starfsmenn a.m.k. rétt á 12 vikna fæðingarorlofi. Það þarf hins vegar ekki að vera á fullum launum.
Fleiri tæknifyrirtæki en Netflix hafa boðið starfsmönnum að lengra orlof og starfsmenn Facebook mega t.d. taka fjögurra mánaða frí og starfsmenn Apple fá 14 vikna frí.
Í frétt CNN Money er bent á að lenging fæðingarorlofsins hafi reynst fyrirtækjunum vel. Eftir að Google lengdi fríið úr 12 vikum í 18 vikur drógust uppsagnir nýbakaðra mæðra hjá fyrirtækinu saman um helming.
Markaðurinn hitnar og leiguverð hækkar hratt
Hafa samþykkt kaup fyrir um 9,2 milljarða
Stóraukið fé til samgöngusáttmála
Hægagangur og vaxandi ókyrrð
/frimg/9/40/940831.jpg)
Telur eyðsluna munu rjúka upp úr öllu valdi
Sárt að horfa upp á illa meðferð fjármuna
Ofsóttur innan veggja Boeing